آپ آف لائن ہیں
جنگ ای پیپر
منگل12؍ذیقعد 1440ھ 16؍جولائی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
کراچی(رفیق مانگٹ)سوئٹزر لینڈ میں ایک مسلمان نوجوان نے اپنے دوست کے اچانک سامنے آنے پر ”اللہ واکبر“ کے الفاظ ادا کیے تو پولیس نے ان پر 30ہزار روپے(210سوئس فرانک) جرمانہ عائد کردیا۔ غیر ملکی میڈیا کے مطابق 22سالہ مسلمان نوجوان آرحان ای سوئٹزر لینڈ کے شہر شف ہائوسن کا ہی رہنے والا ہے جہاںاس کی اچانک ملاقات اپنے دوست سے ہوگئی جسے دیکھتے ہی حیرانی سے انہوںنے نعرہ تکبیر اللہ اکبر بلند کیاجس پر پولیس نے دہشت گرد حملے خوف سے ان پر جرمانہ عائد کردیا، یہ واقعہ گزشتہ برس مئی میں پیش آیا تھا۔آرحان کا کہنا تھا کہ وہ اسی شہر میں پیدا ہوااسے پہلے کبھی ایسے تجربے کا سامنا نہیں ہوا۔ انہوں نے کہا کہ اچانک پولیس آفسر نے مجھے بلایا اور پوچھا کہ اس اصطلاح یا الفاظ کا مطلب کیاہے جس پر انہوں نے پولیس افسر کو وضاحت سے بتایا کہ اس سے مرادکسی کو نقصان دینا نہیں بلکہ جب کسی سے ملاقات ہوتی ہے تو ا س وقت یہ بولتے ہیں اور تقریباً ہم ہر دوسرے جملے کے ساتھ ا ن الفاظ کو ادا کرتے ہیںجس پر پولیس حکام نے انہیں دھمکایا کہ اگر انہوں نے جرمانہ ادا نہ کیا تو انہیں جیل بھیج دیں گے۔

Chatاپنی رائے سے آگاہ کریں