-
فرمان الہی
-
نماز کے اوقات
- ہفتہ 18؍شوال المکرم 1445ھ27؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
کراچی میں جرائم کی فوری ابتدائی رپورٹ درج کرانے اور پولیس سے مدد لینے کیلئے بنایا گیا موبائل فون ایپ’پولیس فار یو‘ محض 2 دن میں ٹرینڈ ٹو پر آگیا ہے جس نے وزیراعظم سیکریٹریٹ کے ایپ’کستان سیٹیزن پورٹل‘ـکو بھی ساتویں نمبر پر پیچھے چھوڑ دیا ہے۔
پولیس ذرائع کے مطابق’ گزشتہ 48 گھنٹے کے دوران 9600 شہریوں نے پولیس فار یو‘ ایپلیکیشن ڈاؤن لوڈ کرکے رجسٹریشن کی۔
ان میں سے 3600 شہریوں نے ایپلیکیشن پر جعلی رجسٹریشن کی آئی ڈی بنانے کی کوشش کی، دوسرے معنوں میں کرائم کی ابتدائی رپورٹ درج کرانے کیلئے بنائے گئے اس ایپ پر 3600 شہریوں نے’واردات‘ کرنے کی کوشش کی، جسے پورٹل انتظامیہ نے ٹیکنیکل طریقے سے ناکام بناکر ایسے یوزرز کو بلاک کردیا ہے۔
پولیس ذرائع کے مطابق ایسے شہریوں کی جانب سے’پولیس فار یو‘پر کسی اور شہری کے فون نمبر سے رجسٹریشن کی کوشش کی گئی۔
پولیس ذرائع کے مطابق اس کا مقصد اس ایپ کا غلط استعمال کرنے کی کوشش ہوسکتا ہے۔
ایف انتظامیہ کے مطابق کوئی بھی شہری اپنے ہی فون نمبر اور شناختی کارڈ نمبر سے اس ایپ پر رجسٹریشن کرسکتا ہے۔ ایڈیشنل آئی جی کراچی ڈاکٹر امیر احمد شیخ کے مطابق ماضی میں پولیس کنٹرول یا مددگار 15 پر وارداتوں کی غلط یا جھوٹی اطلاعات دینے کا رجحان بہت زیادہ رہا ہے۔
جعلی رجسٹریشن آئی ڈی بنانے کی کوشش کا مقصد ایسے ہی لوگوں کی جانب سے ایپ کو مس یوز کیے جانے کی کارروائی ہوسکتا ہے۔
پولیس چیف کے مطابق پولیس کنٹرول یا مددگار ون فائیو پر ماضی میں 70 سے 80 فیصد اطلاعات جھوٹی ہوتی تھیں۔
پولیس فار یو ایپ کے خالق اور آئی ٹی ایکسپرٹ سید مدثر زیدی کے مطابق ایپ پر چھ ہزار سے زائد اصل یوزر رجسٹرڈ ہوچکے ہیں۔
