بھارت:سڑک پر ہاتھیوں کا دھرنا،ٹریفک کی روانی متاثر

یوں تو آپ نے اکثر افراد کو اپنے مطالبات کیلئے سڑکوں پر دھرنا دیتے ہوئے دیکھا ہی ہوگا لیکن جناب یہاں تو جانور بھی دھرنا دینے لگے ہیں۔

یقین نہیں تو ویڈیو میں نظر آنے والے ان ہاتھیوں کو ہی دیکھ لیں جنہوں نے بھارت کی سڑک پردھرنا دیدیا ہے۔ یہ مناظر بھارت کی ڈسٹرکٹ Chittoor میں دیکھے گئے جہاں سڑک پر ایک نہ دو بلکہ تیس ہاتھیوں نے سڑک بلاک کردی اور سڑک پر گھومتے دکھائی دیئے ۔

جس کے باعث ٹریفک کی روانی تقریباََ بیس منٹ تک معطل رہی۔ رپورٹ کے مطابق اس دلچسپ صورتحال پرجہاں کچھ ڈرائیور ہاتھی کی تصاویر اور ویڈیوز بنانے میں مصروف رہے وہیں کچھ نے خوفزدہ ہوتے ہوئے پولیس اہلکاروں کو طلب کرلیا جس کے بعد پولیس اہلکار آئے اور آوارہ ہاتھیوں کو جنگل کی جانب منتقل کر وا کر سڑک کلیئرکروادی۔