علی رضا عابدی قتل کیس، گرفتار ملزمان سے تفتیش میں انکشاف

متحدہ قومی موومنٹ پاکستان کے سابق رکن قومی اسمبلی علی رضا عابدی کے قتل کی تفتیشی رپورٹ میں اہم انکشاف سامنے آیا ہے ۔

کراچی میں ٹارگٹ کلنگ کا نشانہ بننے والے علی رضا عابدی کےقتل میں ملوث گرفتارملزمان نےدوران تفتیش اہم انکشافات کیے ہیں۔

ذرائع کا کہنا ہے کہ علی رضا عابدی کو اجرتی قاتلوں سے کرایا گیا۔

علی رضا عابدی قتل میں گرفتار دونوں ملزمان نے رقم کے لین دین میں کرداراداکیا۔

ملزمان کو ڈیڑھ ماہ قبل گلستان جوہر سے حراست میں لیا گیا تھا۔

گرفتار ملزمان کے بیان کی روشنی میں چھاپوں کا سلسلہ جاری ہے۔