آپ آف لائن ہیں
جنگ ای پیپر
اتوار 22؍محرم الحرام 1441ھ 22؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرس گیل نے ریٹائرمنٹ کا اعلان کردیا


ویسٹ انڈیز کرکٹ ٹیم کے جارح مزاج بیٹسمین کرس گیل نے ورلڈ کپ 2019 کے بعد ایک روزہ کرکٹ سے ریٹائرمنٹ لینے کا اعلان کردیا ہے۔

مشہور ویسٹ انڈین بیٹسمین کرس گیل نے ورلڈ کپ 2019 کے بعد ون ڈے کرکٹ سے ریٹائر منٹ کا اعلان کیا ہے،لیکن وہ فرنچائز کرکٹ کے لیئے دستیاب ہوں گے۔

35 سالہ گیل نے 284 میچز میں 23 سنچریز کی مدد سے 10ہزار رنز بناچکے ہیں ،انہوں نے 1999 میں ڈیبیو کیا تھا۔

ریٹائر منٹ کے اعلان کے بعد بارباڈوس میں ایک انٹرویو میںکرس گیل نے کہا ہے کہ وہ دنیا میں کرکٹ کے عظیم ترین کرکٹر ہیں ۔

انہوں نے کہا کہ اس میں کوئی شک نہیں ہونا چاہیئے کہ وہ اب بھی یونیورس بوس ہیں اور یہ اعزاز قبر میں جانے تک انہی کے پاس رہے گا ۔

کرس گیل نے کہا کہ وہ اب اسٹینڈز میں بیٹھ کر نوجوان کرکٹرز کو دیکھنا چاہتے ہیں ان کی خواہش ہے کہ کیرئیر کا اختتام ورلڈ کپ کی جیت کے ساتھ ہو اور اس کے لیئے وہ اپنا پورا زور لگائیں گے ۔ 

کھیلوں کی خبریں سے مزید