• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان ،سیلابی ریلوں نے تباہی مچادی، پاک فوج طلب

تازہ ترین
قومی خبریں
21 فروری ، 2019
بلوچستان ،سیلابی ریلوں نے تباہی مچادی، مدد کیلئے پاک فوج طلب

بلوچستان میں بارش کے بعد برساتی نالوں میں طغیانی کے باعث سیلابی ریلوں نے تباہی مچا دی، مکران اور ضلع لسبیلہ میں ایمرجنسی نافذ کردی گئی ،جبکہ حکومت بلوچستان نے صورت حال سےنمٹنے کے لیے پاک فوج سے مدد مانگ لی ۔

پاک فوج کے 4 ہیلی کاپٹر آج صبح سے امدادی سرگرمیوں میں حصہ لیں گے ، مانسہرہ اور گردونواح میں بارش اور پہاڑوں پر برف باری کے باعث کئی مقامات پر بند شاہراہ قراقرم کو کھولنے کے لیے امدادی کارروائیاں جاری ہیں۔


پی ڈی ایم اے بلوچستان نے شدید بارشو ں سے آنے والے سیلابی ریلوں کی وجہ سے ضلع لسبیلہ اور اس کے مضافات میں متاثرین کی فوری بحالی اور انہیں ریلف کی فراہمی کا کام ہنگامی بنیادوں پر شروع کردیا ۔

وڈھ کے مقام پر سیلابی ریلے کے باعث آرسی ڈی ہائی وے عارضی طور پر بند تھی جس کو کلیر کر دیا گیا ہے ۔

پی ڈی ایم اے کے مطابق ضلع لسبیلہ اور اس کے مضافات میں ضلعی انتظامی پی ڈی ایم اے اور فرنٹئیرکور مربوط رابطہ کے ذریعے پوری طرح متحرک اور بلاتعطل امدادی اشیاء کی فراہمی کو یقینی بنایا جارہا ہے ۔

پی ڈی ایم اے نے بتایا کہ اس وقت تقریباً 200 کے قریب متاثر ہ خاندانوں میں اشیاء خوردونوش ،خیمے اور کمبل کی فراہمی کا کام جاری ہے ۔متعلقہ حکام کسی بھی ناگہانی صورتحال سے نمٹنے کیلئے ہر طرح سے چوکس ہیں اور متاثرین کیلئے امدادی کاروائیوں کی مسلسل نگرانی کی جارہی ہے ۔

تازہ ترین