بالی ووڈ کےمشہور و معروف اداکارعامر خان رشی کپور کیخیریت دریافت کرنے کے لیے امریکا جا پہنچے ، ان کی آمد سے خوش ہو کر رشی کپور کی اہلیہ نیتو کپور نے انہیں’ حقیقی سپر اسٹار ‘ کہہ دیا۔
رشی کپور کچھ عرصے سے امریکا میں علاج کی غرض سے مقیم ہیں، ڈاکٹروں نےرشی کپور کو باقاعدہ علاج اور زیرِنگرانی رکھنے کو کہا ہے۔ ان کی بیماری سے متعلق میڈیا میں قیاس آرائیاں کی جارہی ہیں۔
بالی ووڈ کے کئی نامور اداکار رشی کپور سے ملنے امریکا جا چکے ہیں جن میں پریانکا چوپڑا، سونالی بیندرا اور انوپم کھیر شامل ہیں اور اب بالی ووڈ کے سُپراسٹار’عامر خان‘ نے بھی ان سے ملاقات کی۔
نیتو کپور نے انسٹاگرام کے ذریعے عامر کے آنے کو سراہا اور لکھا کہ ـ’’عامر نے ہمیںبےحد پیاراورعزت دی ، وہ سچ میں ایک سپراسٹار ہےـ‘‘
نیتو کپور کا کہنا ہے کہ’ یہ اہم نہیں کہ کوئی انسان آپ کو کتنا وقت دیتا ہے بلکہ اہم بات یہ ہے کہ آپ ان لمحات میں کتنی خوشی اور پیار حاصل کرتے ہیں‘۔
واضح رہےکہ رشی کپور اور عامر فلم ’فنا‘ اور’ دامینی‘ میں ایک ساتھ جلوہ گرہوچکے ہیں۔