• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیوزی لینڈ کی وزیراعظم نے ٹرمپ کو لاجواب کردیا

تازہ ترین
بین الاقوامی خبریں
16 مارچ ، 2019
نیوزی لینڈ کی وزیراعظم نے ٹرمپ کو لاجواب کردیا

نیوزی لینڈ کی وزیراعظم جاسینڈا ارڈرن نے امریکی صدر ڈونلڈ ٹرمپ کو لاجواب کردیا۔

کرائسٹ چرچ میں مساجد پر حملے کو دہشت گردی قرار نہ دینے اور اس کی مذمت نہ کرنے والے امریکی صدر کو نیوزی لینڈ کی وزیراعظم نے اس انداز سے لاجواب کیا کہ وہ پسپا ہوگئے۔

ڈونلڈٹرمپ نے جاسینڈا ارڈرن کو فون کرکے پوچھا کہ امریکا،نیوزی لینڈ کیا مدد کرسکتا ہے؟

نیوزی لینڈ کی وزیراعظم نے امریکی صدر کو جواب دیا کہ تمام مسلم کمیونٹیز سے محبت اور ہمدردی کا اظہار کریں۔

نیوزی لینڈ کی وزیر اعظم سے گفتگو اور واقعہ کے10 گھنٹے بعد ٹرمپ نے دوسرا ٹوئٹ کیا،جس میں کرائسٹ چرچ مساجد میں مسلمانوں کے قتل عام کی مذمت کی اور نیوزی لینڈ سے یکجہتی کا اظہار کیا۔

اس سے پہلےڈونلڈ ٹرمپ نے تعزیت اور افسوس کے بجائے ایک لنک شیئر کیا تھا، جو حملے سے متعلق ایک ویب سائٹ اسٹوری کا لنک تھا۔

امریکی صدر کی شیئرکردہ اسٹوری سانحے پرغم زدہ لوگوں کے جذبات کو اور مجروح کرسکتی تھی۔

تازہ ترین