خواجہ خورشید انورکی 107ویں سالگرہ

موسیقی کے چاہنے والے آج21مارچ کو لازوال فلمی گیتوں کے خالق خواجہ خورشید انور کی 107 ویں سالگرہ منا رہے ہیں۔

ان گنت لافانی گیتوں کے خالق خواجہ خورشید انور اکیس مارچ انیس سو بارہ کو میانوالی میں پیدا ہوئے۔

اپنے عہد کے اس عظیم موسیقار نے لاتعداد گانوں میں اپنی صلاحیتیں دکھائیں۔ انتظار، ہیر رانجھا، کوئل جیسی کامیاب فلموں کی موسیقی خورشید انور نے ترتیب دی۔

کنگ آف میلوڈی خواجہ خورشید انور موسیقار کے علاوہ ایک کامیاب تمثیل نگار، شاعر اور ہدایتکار بھی تھے۔

یہ عظیم موسیقار آج ہم میں نہیں لیکن ان کی دھنیں آج بھی موسیقی کے پرستاروں کے دلوں کو گرماتی ہیں۔