• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دوسرا فخر پشاور ایوارڈ میرٹ پر ہوگا ضلع نا ظم

میرا شہر
پشاور
09 اپریل ، 2019
پشاور ( وقائع نگار) ضلع ناظم پشاور محمدعاصم خان نے دوسرا فخر پشاور ایوارڈ کیلئے آگاہی اورسوشل میڈیا پر زیادہ سے زیادہ تشہیر کے حوالے سے ایک اجلاس منعقد ہواجس میں سوشل میڈیا کے مقبول پیجز کے ایڈمن نے شرکت کی اجلاس سے خطاب کرتے ہوئے ضلع ناظم پشاورمحمدعاصم خان نے کہاکہ پشاور کی ا چھی تصویر پیش کرنے کیلئے 30 اپریل کو آل پاکستان شعراء کی مشاعرہ تشترہال میں منعقدہوگا جس میں اردو ، پشتو ، فارسی اور ہندکو کے شعرا ء اپنے کلام پیش کرینگے،انہوں نے کہا دوسرا فخر پشاور ایوارڈ میرٹ پر دیا جائیگا ان ایوارڈ ز سے نوجوان نسل اپنے لیجنڈ کے کارناموں اور خدمات سے آگاہ ہوجاتے ہیں جبکہ نوجوانوںمیں بھی مقابلے کا رجحان پیداہوکر پشاور کیلئے کچھ کرنے کی جدوجہد کرینگے ۔انہوں نے روزانہ کی بنیاد پر رپورٹ طلب کرلی ضلع ناظم نے عوام سے اپیل کرتے ہوئے کہاہے کہ زیادہ سے زیادہ اہل لوگ فخر پشاور ایوراڈ کیلئے آن لائنhttp://fakharepeshawar.comاور سپورٹس آفس میں درخواستیں جمع کر ائیں۔،سٹی ڈسٹرکٹ گورنمنٹ پشاور دوسرا فخرپشاورایوارڈ 2مئی 2019ء کو نشترہال پشاور میں سہ پہر 3بجے منعقدکیاجائے گا اور زندگی کے مختلف شعبوں میں کارہائے نمایاں انجام دینے پشاور سے تعلق رکھنے والے افراد12اپریل تک اپنے درخواستیں ڈسٹرکٹ سپورٹس آفس پشاور پہنچا دیں ۔
تازہ ترین