کراچی (اسٹاف رپورٹر) این ای ڈی یونیورسٹی نے مسلسل چوتھی بار بوائز بیڈمنٹن چیمپئن شپ جیت لی۔ ہمدرد یونیورسٹی اسپورٹس کمپلکس میں ہونے والی چیمپئن شپ میں12 ٹیموں نے حصہ لیا۔ سیمی فائنل میں اقرا یونیورسٹی نے کراچی یونیورسٹی کو اور این ای ڈی یونیورسٹی نے سرسید یونیورسٹی کو شکست دیکر فائنل میں جگہ حاصل کی۔ فائنل میں دفاعی چیمپئن این ای ڈی یونیورسٹی کے کھلاڑیوں نے شاندار کارکردگی کا مظاہرہ کرتے ہوئے اقرا یونیورسٹی کو زیر کیا اور مسلسل چوتھی بار چیمپئن ہونے کا اعزاز حاصل کیا۔ مسلسل چار بار چیمپئن شپ جیتنے پر وائس چانسلر این ای ڈی محمد افضال حق، رجسٹرار غضنفر حسین، ڈاکٹر محمد طفیل، ڈاکٹر مبشر علی صدیقی، حفیظ اللہ، فرخندہ فصیح نے کھلاڑیوں کو مبارک باد دی اور کہا کہ طلبا و طالبات کھیل کے ساتھ ساتھ پڑھائی میں بھی اعلی مقام حاصل کرکے معاشرہ میں اپنا مثبت کردار کریں گے۔
فرمان الہی
نماز کے اوقات
