عمران خان کی حکومت 2020 میں ختم ہوجائے گی، وسان

06 مئی ، 2019

سیاسی پیشگوئیوں کے حوالے سے شہرت رکھنے والے پیپلز پارٹی کے رہنما منظور وسان نے کہا ہے کہ موجودہ حکومت کا چلنا مشکل ہے، 2020 حکمرانوں کے لیے بڑا مشکل سال ثابت ہونے والا ہے۔

ایک بیان میں رہنما پیپلز پارٹی کا کہنا ہے کہ ایک بار پھر کہتا ہوں عمران خان کی حکومت 2020 میں ختم ہوجائے گی۔

منظور وسان کا کہنا ہے کہ جون، جولائی کا مہینہ اہم ہے، کوئی جیل میں ہوگا تو کوئی باہر۔ صرف نواز شریف نہیں ان کے ساتھ ساتھ دیگر بھی جانے والے ہیں۔

منظور وسان کا مزید کہنا ہے کہ بہت جلد حکومت کے وزراء بھی جیل کے اندر ہوں گے۔

انہوں نے کہا کہ احتساب سب کا ہونا چاہئے لیکن جن پر ریفرنسز ہیں ان سے رعایت اور جن پر انکوائریاں ہیں وہ جیل میں ہیں، احتساب صرف پیپلزپارٹی کا ہورہا ہے۔

منظور وسان کا کہنا ہے کہ یہ پہلے رمضان ہوں گے جب غریب عوام پانی پر سحر اور افطار کرے گی، سبزی اور پیٹرول کی قیمتوں میں اضافے سے مہنگائی کا جن بوتل سے باہر آگیا ہے۔

انہوں نے کہا کہ گندم میں مٹی افسران ملائیں اور بدنام پیپلزپارٹی کو کیا جارہا ہے۔

تازہ ترین