فرمان الہی
نماز کے اوقات
پشاور میں دیرینہ دشمنی کی وجہ سے ملزمان نے فائرنگ کر کے 3 افراد کو قتل اور 2 کو زخمی کر دیا، پولیس نے کارروائی کرتے ہوئے 2 ملزمان کو گرفتار کر لیا ہے۔
پولیس کے مطابق پشاور کے علاقے دلازاک روڈ یوسف آباد میں فائرنگ کا واقعہ پیش آیا ہے، جس کے نتیجے میں 3 افراد جاں بحق اور 2 افراد زخمی ہوگئے۔
پولیس کے مطابق فائرنگ کا واقعہ دیرینہ دشمنی کی وجہ سے پیش آیا ہے، زخمیوں میں ایک راہ گیر بھی شامل ہے۔
پولیس نے واقعے کے بعد کارروائی کرتے ہوئے 2 ملزمان کو گرفتار کر لیا ہے۔
پولیس کا کہنا ہے کہ دونوں فریقین کے مابین دشمنی چلی آ رہی تھی کہ جس پر دونوں نے آمنا سامنا ہونے پر ایک دوسرے پر فائرنگ کی نتیجے میں 3 افراد جاں بحق اور 2 زخمی ہو گئے۔
مقتولین کی لاشوں اور زخمیوں کو اسپتال منتقل کیا گیا ہے جہاں زخمی افراد کو طبی امداد دی جا رہی ہے۔
