امریکی سفارتخانہ ملازم قتل کیس،ملزم جرم ثابت نہ ہونے پر بری

اسلام آباد (خصوصی رپورٹ) ڈسٹرکٹ اینڈ سیشن جج سہیل ناصر نے امریکی سفارتخانے کے ملازم کو قتل کرنے کا ملزم جرم ثابت نہ ہونے پر بری کر دیا ۔ مدعی مقدمہ سرور بیگ نے تھانہ کراچی کمپنی میں مقدمہ درج کرایا تھا کہ اس کا بھائی اقبال بیگ امریکی سفارتخانے میں ملازم تھا ، 26جولائی2015کی شام گھر واپس پہنچا تو نامعلوم افراد نے پستول سے فائر کر کے بھائی کو زخمی کر دیا جو فوت ہو گیا ، 20مارچ 2016کو عبدالنسیم وغیرہ ایک اور مقدمے میں گرفتار ہوئے تو تفتیش کے دوران اقبال بیگ کے قتل کا انکشاف کیا ، شریک ملزمان عمر اور اجمل گل نے ضمانت کرائی اور فرار ہو گئے،جبکہ شناخت نہ ہونے پر شریک ملزم موسیٰ کو بری کر دیا گیا ۔ عبدالنسیم کے خلاف کیس کی سماعت کے دوران استغاثہ جرم ثابت کرنے میں ناکام رہا ۔