آپ آف لائن ہیں
جنگ ای پیپر
پیر20؍ شوال المکرم 1440 ھ 24؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دریائے سندھ میں مٹیاری کے قریب کشتی الٹنے سے ڈوبنے والے 5 افراد کی لاشیں بھی نکال لی گئیں، آج 3 خواتین اور 2 بچوں کی لاشیں نکالی گئی ہیں۔

ڈپٹی کمشنر جامشورو کے مطابق مزید 5 لاشیں ملنے کے بعد کشتی اُلٹنے سے جاں بحق ہونے والے افراد کی تعداد 8 ہو گئی، جبکہ واقعے میں 6 افراد کو بچا لیا گیا ہے۔

گزشتہ روز ڈوبنے والے 3 افراد کی لاشیں اور 6 افراد کو زندہ نکال لیا گیا تھا، امدادی کام آج دوسرے روز دوبارہ شروع کیا گیا تھا۔

واضح رہے کہ ہفتےکی شام طوفانی ہوائوں سےکشتی الٹ گئی تھی، جس سے 14 افراد ڈوب گئے تھے، جن میں سے ایک بچے اور2 خواتین کی لاشیں نکال لی گئی تھیں اور 6 افراد کو نکال کر ڈوبنے سے بچا لیا گیا تھا، جبکہ باقی بچنے والے 5 افراد کی لاشوں کو آج نکال لیا گیا۔

ڈوبنے والوں کے نکالنے کے لیے کیے جانے والے ریسکیو آپریشن میں پاک بحریہ کے غوطہ خوروں کی ٹیم نے بھی حصہ لیا۔

Chatاپنی رائے سے آگاہ کریں