• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سٹی ڈسٹرکٹ گورنمنٹ پشاور 15جون کو مشاعرہ منعقد کریگی

میرا شہر
پشاور
01 جون ، 2019
پشاور (سٹاف رپورٹر)سٹی ڈسٹرکٹ گورنمنٹ پشاور 15 جون بروزہفتہ نشترہال میں آل پاکستان قومی مشاعرہ منعقد کرے گی جس میں 10 اردو زبان اور 15 دیگر زبانوں کے شعراء اپنے کلام سے حاضرین کو لطف اندو ز کرینگے جبکہ غزل نائٹ کا بھی اہتمام کیا گیا ہے۔ ضلع ناظم پشاورمحمدعاصم خان کی زیر صدارت آل پاکستان قومی مشاعرہ کے حوالے سے اجلاس منعقد ہوا جس میں نامور شاعر اباسین یوسفزئی ، ڈسٹرکٹ ممبر وسیم اکرم ، ہدایت اللہ ، ریجنل سپورٹس آفیسرسلیم رضا، ڈسٹرکٹ سپورٹس آفیسر ٖجمشید بلوچ اور ساجد آفریدی نے شرکت کی اجلا س میں ٍآل پاکستان قومی مشاعرہ کے انتظامات کو ضلع ناظم نے حتمی شکل دیتے ہوئے اباسین یوسفزئی کو نامور شعراء درویشن درانی، پیرمحمد کامران، وصی شاہ، امجد اسلام امجد، فرحت عباس، سحر انصاری سمیت دیگر شعرا ء کو مشاعرے میں مدعوکرنے کا ٹاسک دے کر دیگر صوبوں سے آنے والے شعراء کے مشاعرہ سے ایک دن قبل عشائیہ اور شہر کی وزٹ دیا جائیگا۔ ضلع ناظم محمدعاصم خان نے کہاہے کہ مختلف زبانوں سے تعلق رکھنے والے اور قومی زبان کے شعراء کو ایک پلیٹ فارم پر اکٹھا کرکے ملکی مسائل بارے میں شعراء خیالات کا اظہار خیال کرینگے جبکہ صوبے اور بالخصوص پشاور کے کلچر سے روشناس کرانے کیلئے قومی اورلسانی شعرا ء کو ایک موقع فراہم کرینگے ۔ مشاعرہ اردو ، سرائیکی ،ہندکو ،پشتو ،پنجابی ،سندھی اور بلوچی زبان کے مشہور شعراء کو مدعو کیاجائیگا تاکہ صوبے اور قومی لیول پر شعراء ایک دوسرے کے خیالات سے مستفید ہوسکیں جبکہ صوبے کے باسیوں کو شعر وشاعری کے اہمیت سے آگاہی ممکن ہوسکیں ، انہوں نے شعراء کواعزازیہ ، صوبے کے مشہور تکہ کڑاہی ، چپلی کباب اور دیگر کھانوں سے لطف اندوز کرینگے اور گفٹ پیکٹ بھی دیا جائیگا ۔مشاعرے میں میوزک اور غزل نائٹ کا بھی اہتمام کیا جائیگا ۔
تازہ ترین