آپ آف لائن ہیں
جنگ ای پیپر
اتوار19؍ربیع الاوّل 1441ھ 17؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

’بی بی شہید کا جانشین رائیونڈ جا پہنچا ‘


وزیراعظم عمران خان کی معاون خصوصی برائے اطلاعات فردوس عاشق اعوان نے مریم نواز اور بلاول بھٹو زرداری کی ملاقات پر تبصرہ کیاہے۔

ایک بیان میں فردوس عاشق اعوان نے کہا کہ بی بی شہید نے ہمیشہ تخت لاہور کو للکارا، آج ان کا جانشین رائیونڈ جا پہنچا۔

انہوں نے کہا کہ سلطنت شریفیہ کی سزا یافتہ شہزادی اور سلطنت زرداریہ کے ولی عہد کے اجتماع کا جمہوریت سے تعلق نہیں۔

معاون خصوصی نے مزید کہا کہ امید ہے بلاول بھٹو زرداری اور مریم صفدر عدالت کو مطمئن کرنے کیلئےایجنڈا واضح کریں گے۔

ان کا کہنا تھا کہ دونوں جماعتوں نے نسل درنسل سیاست اور وراثت کی منتقلی کا عمل شروع کیا ہے، آج کی بیٹھک اس منصوبے کو عملی جامہ پہنانے کی جانب پیشرفت ہے۔

فردوس عاشق اعوان نے کہا کہ بے نظیر بھٹو شہید کی روح آج یقیناً بے چین اور بے قرار ہوگی، بی بی نے ہمیشہ تخت لاہور کو للکارا جبکہ آج ان کا جانشین رائیونڈ جاپہنچا۔

قومی خبریں سے مزید