امریکا میں اربوں ڈالر کی منشیات پکڑ لی گئی

امریکا کی تاریخ میں منشیات کی سب سے بڑی کھیپ پکڑ لی گئی جسے یورپ جانے والے بحری جہاز پر چھاپا مار کر برآمد کر لیا گیا۔

امریکی حکام کے مطابق فلاڈیلفیا کی بندرگاہ پر جہاز سے سولہ ٹن کوکین برآمد کی گئی ہے جس کی مالیت ایک بلین ڈالر ہے ۔

فلاڈیلفیا کے اٹارنی جنرل ولیم مک سوائن نے سوشل میڈیا پر بیان میں کہا ہے کہ یہ کوکین لاکھوں افراد کی زندگیاں نگل سکتی تھی۔

انہوں نے مزید کہا کہ امریکی تاریخ میں پکڑی جانے والی یہ منشیات کی سب سے بڑی کھیپ ہے ۔

کوکین سات کنٹینروں میں چھپائی گئی تھی۔بحری جہاز کے عملے کو گرفتار کر لیا گیا ہے جن پر وفاقی عدالت میں مقدمہ چلایا جائے گا.