CNG کی قیمت میں اضافہ متوقع، ٹرانسپورٹرز کا ہڑتال کا فیصلہ

سندھ میں سی این جی کی قیمت میں 18 روپے اضافے کا خدشہ ظاہر کیا جارہا ہے جس کے بعد ٹرانسپورٹرز نے کل سے غیر اعلانیہ ہڑتال کا فیصلہ کیا ہے۔

کراچی ٹرانسپورٹ اتحاد کے صدر ارشاد بخاری کا کہنا ہے کہ سی این جی کی قیمت میں ہوشربا اضافے کے بعد بسیں چلانا ممکن نہیں، کرایوں میں اضافے کی بات بعد میں طے کریں گے۔

ارشاد بخاری نے کہا ہےکہ سی این جی پمپس مالکان پہلے ہی آہستہ آہستہ قیمتیں بڑھاتے رہے ہیں۔

پشاور میں سی این جی 140 روپے کلو ہوگئی

پشاور میں سی این جی کی قیمتوں میں 22 روپے اضافے کے بعد...

دوسری جانب آن لائن ٹیکسی سروس نے بھی اپنے کرایوں میں 5 فیصد اضافے کا اعلان کیا ہے جس کے متعلق ڈرائیورز کو نوٹس جاری کر دیئے گئے ہیں۔

واضح رہے کہ سی این جی پر سیلز ٹیکس کے نئے اضافی ریٹس کے بعد فی کلو سی این جی پر 20 روپے اضافہ ہوا ہے۔