ایف بی آر کی پراپرٹی قیمتوں سے متعلق خبروں کی تردید

فیڈرل بورڈ آف ریونیو (ایف بی آر) نے پراپرٹی کی قیمتوں کے تعین کا کام روکنے سے متعلق خبروں کی تردید کر دی۔

ترجمان ایف بی آر کا کہنا ہے کہ پراپرٹی مارکیٹ کے اسٹیک ہولڈرز کے ساتھ اس کے مذاکرات کا عمل تیزی سے جاری ہے۔

ایف بی آر کے ترجمان کا مزید کہنا ہے کہ پراپرٹی کے نئے ریٹس کا تعین رواں ہفتے کے اختتام تک مکمل ہو جائے گا، جس کا نوٹیفکیشن جاری کیا جائے گا۔

ایف بی آر کے ترجمان کا یہ بھی کہنا ہے کہ نئے نوٹیفکیشن کے جاری ہونے تک پراپرٹی کا لین دین جنوری میں جاری کیے گئے ریٹس پر ہو گا۔