• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹ کے فروغ کیلئے پشاور زلمی کی کوششیں قابل تعریف ہیں، منصور احمد

آج کا اخبار
یورپ سے
11 جولائی ، 2019
ویانا(اکرم باجوہ)آسٹرین زلمی کرکٹ کلب کے چیئرمین صلاح الدین خان اَفریدی نے اپنے وفد میں شامل ڈاکٹر عقیل خان آفریدی، عاصم نوید، عابدخان اور اکرم باجوہ کے ساتھ پاکستان سفارتخانہ ویانا میں سفیر پاکستان منصور احمدخان سے ملاقات کی۔ آسٹرین زلمی کرکٹ کلب کے چیئرمین صلاح الدین خان اَفریدی نے سفیر پاکستان منصوراحمدخان، کمیونٹی انجینئر قونصلر ہمایوں شبیر جوئیہ اور پاکستان سفارتخانہ ویانا کے سٹاف ممبران کو آسٹرین زلمی کرکٹ کلب کی اَفیشل ٹی شرٹ پیش کیں، سفیر پاکستان منصور احمدخان نے جنگ لندن سے گفتگو کرتے ہوئے کہا کہ آسٹرین زلمی کرکٹ کلب کے وفدکوجوصلاح الدین خان آفریدی کی قیادت میں سفارت خانہ ویانا تشریف لایا ہے، میں سب کو خوش آمدید کہتا ہوں اور جو کہ آسٹرین زلمی کی آفیشل لوگو والی ٹی شرٹ کیلئے شکریہ ادا کرتا ہوں۔ اُنہوں نے مزید کہا کہ پشاور زلمی نے کرکٹ کے فروغ کے حوالہ سے پوری دنیا کے مختلف ممالک کے شہروں میں نوجوانوں کیلئے جو سفر شروع کیاتھاہم نہ صرف آپ کی ان کاوشوں اور کوششوں کی تعریف کرتے ہیں بلکہ آپ کو اپنی طرف سے بھر پور تعاون کا یقین دلاتے ہیں صلاح الدین خان آفریدی نے سفیر پاکستان کا اپنے تعاون کی یقین دہانی کا شکریہ ادا کیا۔
تازہ ترین