آپ آف لائن ہیں
جنگ ای پیپر
ہفتہ15؍ذوالحجہ 1440ھ 17؍اگست 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اوور سیز پاکستانی ہمارا اثاثہ ہیں، سفیر پاکستان، امتیاز احمد کمیونٹی میٹنگ سے خطاب

اوور سیز پاکستانی ہمارا اثاثہ ہیں، سفیر پاکستان، امتیاز احمد کمیونٹی میٹنگ سے خطاب
سفارتخانے پاکستان جاپان میں کمیونٹی کا سفیر پاکستان کے ساتھ گروپ

جاپان میں تعینات سفیر پاکستان امتیاز احمد نے کہا ہے کہ اوورسیز پاکستانی ہمارا اثاثہ ہیں ان کے مسائل کا حل حکومت کی اولین ترجیح ہے اور یہی ہدایات ہمیں پاکستان سے ملی ہیں کہ کمیونٹی کے مسائل کے حل کو اولین ترجیح دی جائے، سفیر پاکستان اپنی تعیناتی کے بعد کمیونٹی سے پہلی ملاقات کے موقعے پر تقریب سے خطاب کررہے تھے ۔ یہ کمیونٹی میٹنگ سفارتخانہ پاکستان میں منعقد کی گئی تھی ، سفارتخانے میں جمع ہونے والے پاکستانیوں میں سیاسی ، سماجی ، ادبی اور کاروباری طبقے سے تعلق رکھنے والے معروف پاکستانیوں نے شرکت کی ۔ سفیر پاکستان امتیاز احمد نے کہا کہ جاپان میں مقیم ہر پاکستانی جاپان میں پاکستان کا سفیر ہے جس نے اپنے طرز عمل ، اپنے اخلاق ، اپنے کاروبار اور رہن سہن سے پاکستان کو جاپان میں متعارف کرانا ہے ۔ سفیر پاکستان نے کہا کہ ان کے دروازے ہر وقت ہر پاکستانی کے لیے کھلے ہیں ،کوئی بھی پاکستانی اپنے حقیقی مسائل کے حل کے لیے ان سے اور سفارتخانے کے ہر افسر سے کسی بھی وقت رابطہ کرسکتا ہے ۔

اوور سیز پاکستانی ہمارا اثاثہ ہیں، سفیر پاکستان، امتیاز احمد کمیونٹی میٹنگ سے خطاب
جاپان میں پاکستانی سفیر کمیونٹی سے خطاب کرتے ہوئے

ہماری کوشش ہوگی کہ جو بھی اخلاقی اور قانونی مدد ہم اپنے پاکستانی بھائیوں کو فراہم کرسکتے ہیں وہ کی جائے ۔ سفیر پاکستان نے پاکستانی کمیونٹی سے کہا کہ وہ جاپان میں اتحاد اور یگانگت سے رہتے ہوئے پاکستان کی خدمت کریں ۔ سفیر پاکستان امتیاز احمد نے کہاکہ جاپان میں مقیم پاکستانی زیادہ سے زیادہ تعداد میں بینکنگ چینل کے ذریعے اپنی رقم پاکستان روانہ کریں تاکہ پاکستان کی معاشی ترقی میں کردار ادا کرسکیں ۔ سفیر پاکستان نے کہا کہ عنقریب فرینڈز آف پاکستان کے زیر اہتمام ٹوکیو کے وینو پارک میں پاکستان بازار کے نام سے جو سالانہ تقریب ہو رہی ہے اس سے پاکستان کو جاپانی عوام میں متعارف کرانے میں مدد ملتی ہے۔ اس کے منتظمین قابل تعریف ہیں۔ سفارتخانہ ان کو اپنا بھرپور تعاون فراہم کرے گا۔

بلادی سے مزید