پاکستانی قوم مسئلہ کشمیر پر یکجا ہے، شفقت محمود

24 اگست ، 2019

وفاقی وزیرِ تعلیم شفقت محمود کا کہنا ہے کہ پاکستانی قوم مسئلہ کشمیر پر یکجا ہے، جبکہ پوری دنیا بھارت کے کشمیریوں پر ڈھائےجانے والے مظالم سے آگاہ ہے۔

ایوانِ اقبال لاہور میں عصری حالات کے تناظر میں مصنفین اور دانشوروں سے مکالمہ ہوا، جس میں وفاقی وزیرِ تعلیم شفقت محمود نے خطاب کیا۔

اپنے خطاب میں انہوں نے مصنفین، دانشوروں اور قلمکاروں کو ملکی اثاثہ اور سرمایہ قرار دیا اور کہا کہ حکومت ادبی تنظیموں اور ادب سے وابستہ اداروں کو فعال بنانے کی کوشش کر رہی ہے۔

شفقت محمود نے مصنفین، دانشوروں، قلمکاروں اور مصوروں پر زور دیتے ہوئے کہا کہ ہمیں شاعری، کہانیوں اور تصویروں کے ذریعے مقبوضہ کشمیر میں ڈھائے جانے والے مظالم کو اجاگر کرنا ہوگا۔

تازہ ترین