• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مغربی میڈیا مودی کو ’ہٹلر‘ سے تشبیہ دے رہا ہے، شاہ محمود قریشی

تازہ ترین
قومی خبریں
02 ستمبر ، 2019

شاہ محمود قریشی کی جیو پاکستان میں گفتگو


وزیر خارجہ شاہ محمود قریشی کا کہنا ہے کہ بھارت کو ہر میدان میں شکست ہو رہی ہے، مغربی میڈیا میں مودی سرکار کو ’ہٹلر‘ سے تشبیہ دی جا رہی ہے۔

جیو نیوز کے پروگرام ’جیو پاکستان‘ میں گفتگو کرتے ہوئے شاہ محمود قریشی نے کہا کہ بھارت کوشش کے باوجود یورپی یونین کی پارلیمنٹ کےایجنڈے سے کشمیر کی بحث کو نہیں ہٹوا سکا، کوشش کے باوجود بھارت دنیا کو قائل نہ کرسکا کہ کشمیر اس کا اندرونی معاملہ ہے۔

مغربی میڈیا مودی کو ’ہٹلر‘ سے تشبیہ دے رہا ہے، شاہ محمود قریشی

شاہ محمود قریشی کا کہنا تھا کہ بھارت کو ہر میدان میں شکست ہو رہی ہے، بھارت کوشش کےباوجود او آئی سی کے اجلاس کو خاموش نہ رکھ سکا۔

انہوں نے کہا کہ ہیومن رائٹس کونسل میں مقبوضہ کمشیر کا معاملہ ایک آزمائش ہوگی ان اداروں کے لیے جو انسانی حقوق کےعلم بردار ہیں۔

وزیرخارجہ شاہ محمود قریشی نے بتایا کہ دفتر خارجہ میں کشمیر سیل کا پہلا اجلاس کل ہوگا، اجلاس میں تمام اسٹیک ہولڈرز موجود ہوں گے جو اپنی رائے وزیراعظم کو دیں گے۔

تازہ ترین