چینی اسکولوں میں روبوٹک ڈاکٹرز نے ذمہ داریاں سنبھال لیں

13 ستمبر ، 2019

چین کے اسکولوں میں روبوٹک ڈاکٹرز نے ذمہ داریاں سنبھال لیں

ٹیکنالوجی کے اس دور میں روبوٹس کا استعمال کئی شعبوں میں بے حد عام ہوتا جا رہا ہے، روبوٹس نے جہاں انسانوں کے بہت سے کام اپنے سر لے لیے ہیں وہیں اب روبوٹس ڈاکٹر بھی بن گئے ہیں۔

چین میں کنڈر گارٹن اسکولوں میں روبوٹ ڈاکٹرز نے اپنی ذمہ داریاں سنبھال لی ہیں، جو کہ 5 ہزار سے زائد کنڈرگارٹن اسکولوں میں تعینات کر دیئے گئے ہیں۔

واک لیک Walklake نامی یہ روبوٹ ڈاکٹرز بچوں کی آنکھیں، منہ، ہاتھ اور جسم کا درجۂ حرارت چیک کر کے بچوں کی صحت کے بارے میں ٹیچرز کو آگاہ کرنے کی صلاحیت رکھتے ہیں جبکہ ان کے ذریعے بیک قت 2 بچوں کی صحت کو جانچا جا سکتا ہے۔

منفرد نوعیت کے ان ڈاکٹر روبوٹس کے لیے اساتذہ سمیت والدین کو بھی بے حد سہولت ہو گئی ہے، ان روبوٹس کے مثبت اثرات سامنے آ رہے ہیں جبکہ بچے بھی ان مشینی روبوٹس سے خوشی خوشی اپنا چیک اپ کرواتے ہیں۔

تازہ ترین