مقبوضہ کشمیر میں لاک ڈاؤن 46 ویں روز میں داخل

19 ستمبر ، 2019

مقبوضہ کشمیر میں بھارتی فورسز کی ریاستی دہشت گردی، کرفیو اور لاک ڈاؤن مسلسل 46 ویں روز بھی جاری ہے۔

بھارتی انتظامیہ نے سری نگر میں نظر بند حریت رہنما سید علی گیلانی کو پریس کا نفرنس سےروک دیا جبکہ پریس کانفرنس میں شرکت کے لئے آئے 35 صحافیوں کوعلاقے سے نکل جانے کا حکم دے دیا۔

خبر ایجنسی کےمطابق مقبوضہ کشمیر میں بھارتی لاک ڈاؤن 5اگست سے جاری ہےجس سے معاشی حالت بھی تباہ ہو رہی ہے۔

مقبوضہ کشمیر میں سیب کےباغات میں تیار فصل اتارے نہ جاسکنے کی وجہ سے سیب کی فصل خراب ہونا شروع ہوگئی ہے۔

سوپور کی عوام اور ٹرکوں سے بھری مارکیٹ اب سنسان ہے جبکہ سیب کشمیری معیشت کا بڑاحصہ ہیں،3.5 ملین افراد اس سےوابستہ ہیں۔

کشمیری تاجر کاخبر ایجنسی سےگفتگو میں کہنا ہے کہ بھارتی لاک ڈاؤن کی وجہ سےفصل کو اتار کر مقامی مارکیٹ یا دیگر علاقوں میں بھیج نہیں سکتے ہر کوئی خوفزدہ ہے، یہاں کوئی نہیں آئےگا۔

تازہ ترین