آپ آف لائن ہیں
جنگ ای پیپر
جمعہ 18؍ صفر المظفّر 1441ھ 18؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مقبوضہ کشمیر: مودی کے مظالم کو بھارتی سیاسی جماعت نے بے نقاب کر دیا


بھارت کی ایک سیاسی جماعت نے مقبوضہ کشمیر کا دورہ کرنے کے بعد وادی کی صورتِ حال پر مودی سرکار کے کرتوتوں کو بے نقاب کر دیا ہے۔

مقبوضہ کشمیر کا دورہ کرنے والی بھارت کی سیاسی جماعت کا کہنا ہے کہ بھارتی فیصلے پر وادی کے لوگ شدید غم و غصے کا شکار ہیں، 5 اگست سے اب تک 40 ہزار کشمیریوں کو گرفتار کیا جا چکا ہے، بھارتی حکومت وادی میں جاری پابندیاں فوری ختم کر کے کشمیریوں سے مذاکرات کرے۔

نئی دلی میں پریس کانفرنس میں ویلفیئر پارٹی بھارت کے وفد کا کہنا تھا کہ دورے کے دوران مختلف طبقۂ فکر کے لوگوں سے بات ہوئی، وادی کے لوگ بھارت کے اس یک طرفہ اقدام کو غیر جمہوری، غیر آئینی، غیر قانونی اور دھوکا دہی قرار دیتے ہیں۔

وفد نے بھارتی حکومت سے مطالبہ کیا ہے کہ وادی میں جاری انسانی حقوق کی خلاف ورزیوں کو روکا جائے، تمام گرفتار افراد کو فوری رہا کیا جائے اور کشمیریوں کو ان کے حقوق دینے کی قانونی یقین دہانی کرائی جائے۔

بین الاقوامی خبریں سے مزید