فرمان الہی
نماز کے اوقات
پاکستان اسٹاک ایکسچینج (پی ایس ایکس) نے رواں مالی سال کے پہلے ہی روز نئی تاریخ رقم کردی، 100 انڈیکس ملکی تاریخ کی بلند ترین سطح پر پہنچ گیا۔
اسٹاک مارکیٹ میں دوران ٹریڈنگ 2 ہزار 500 سے زائد پوائنٹس کی زبردست تیزی دیکھی گئی، جس کے بعد پی ایس ایکس بینچ مارک 100 انڈیکس پہلی بار ایک لاکھ 28 ہزار پوائنٹس کا سنگ میل عبور کر گیا۔
100 انڈیکس 2 ہزار 572 پوائنٹس بڑھ کر ایک لاکھ 28 ہزار 199 کی سطح پر بند ہوا۔
کاروبار کے دوران 100 انڈیکس ایک لاکھ 28 ہزار 475 کی بلندی پر بھی پہنچا۔
جون میں مارکیٹ نے ایک لاکھ 26 ہزار 718 پوائنٹس کی بلند سطح کا ریکارڈ بنایا تھا۔
گزشتہ روز بھی کاروبار میں تیزی کا رجحان رہا تھا، کاروباری دن کے اختتام پر انڈیکس ایک لاکھ 25 ہزار 627 کی سطح پر بند ہوا تھا۔
