-
فرمان الہی
-
نماز کے اوقات
- ہفتہ 18؍شوال المکرم 1445ھ27؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان میں امریکی نمائندہ خصوصی زلمے خلیل زاد کی طالبان رہنماؤں سے ملاقات کے بعد افغان حکومت اور طالبان کے درمیان قیدیوں کا تبادلہ ہوا ہے۔
افغان حکومت نے طالبان گروپ کے دو شیڈو گورنر سمیت متعدد قیدیوں کو رہا کردیا۔
طالبان نے بھی اپنی قید میں تین بھارتی انجینئروں کوآزاد کردیا، تاہم بھارتی انجینئروں کی رہائی کی بھارتی یا افغان حکومت نے تصدیق نہیں کی۔
طالبان عہدیدار نے اپنا نام ظاہر نہ کرنے کی شرط پر خبر رساں ایجنسی سے بات کرتے ہوئے کہا کہ افغان حکومت نے طالبان گروپ کے متعدد قیدیوں کو رہا کیا ہے، جس میں کنڑ اور نمروز صوبے کے شیڈو گورنر بھی شامل ہیں، جواب میں طالبان نے بھی قید تین بھارتی انجینئروں کو رہا کیاہے۔
خبر ایجنسی کے مطابق نئی دلی یا افغان حکومت نے قیدیوں کی رہائی کی تصدیق نہیں کی جبکہ افغان محکمہ دفاع اور صدارتی دفتر نے بھی خبر پر کوئی ردعمل نہیں دیا ہے۔
طالبان کے سابق کمانڈر سید محمد اکبر آغا نے دعویٰ کیا ہے کہ گیارہ طالبان قیدیوں کی رہائی کے بدلے تین بھارتی قیدیوں کو رہا کیا گیا ہے۔
