آپ آف لائن ہیں
جنگ ای پیپر
منگل 21؍ربیع الاوّل 1441ھ 19؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

صدر آزاد کشمیر کی بھارتی سپریم کورٹ کے فیصلے پر تنقید

صدر آزاد کشمیر سردار مسعود خان نے بابری مسجد کے حوالے سے بھارتی سپریم کورٹ کے فیصلے کو بدترین قرار دے دیا۔

جامعہ کراچی کے تحت بین الاقوامی مرکز برائے کیمیائی و حیاتیاتی علوم کے سیمینار کی اختتامی تقریب سے خطاب میں صدر آزاد کشمیر نے کہا کہ ایک مسجد مسمار کرکے وہاں مندر تعمیر کرنا اسلام پر براہ راست حملہ ہے۔

انہوں نے کہا کہ اسلامی تنظیمیں بابری مسجد کے لیے کئی دہائیوں سے قرار دادیں پاس کرتی رہیں۔

سردار مسعود خان نے بھارتی سپریم کورٹ کے فیصلے کو مسئلہ کشمیر سے توجہ ہٹانے کی کوشش قرار دیا اور کہا کہ بھارت نے اس فیصلے سے پوری دنیا کو للکارا ہے۔

ان کا کہنا تھاکہ بھارتی سپریم کورٹ کا فیصلہ متعصبانہ ہے، اس سے دو عقائد میں تصادم ہوگا۔

کرتارپور راہداری کے حوالے سے صدر آزاد کشمیر نے کہا کہ کرتار پور راہداری کھول کر پاکستان نے خیر سگالی کا پیغام دیا ہے، اس کے برعکس بھارت اپنے نت نئے ہتھکنڈوں سے ہندوتوا کے نظریہ کو فروغ دے رہا ہے۔

قومی خبریں سے مزید