آپ آف لائن ہیں
جنگ ای پیپر
اتوار17؍ ربیع الثانی 1441ھ 15؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

٭…ذکی طارق ، اترپردیش، بھارت…٭

ہر کام میں سنّت ہو، جینا ہو تو ایسا ہو

ہو صلّی علیٰ لب پر، مرنا ہو تو ایسا ہو

کونین ہو شاہی میں، رُتبہ ہو تو ایسا ہو

اور فاقے پہ ہو فاقہ، تقویٰ ہو تو ایسا ہو

ابوبکر ؓنے اپنے لیے کچھ بھی نہ رکھا گھر میں

اللہ کے رستے میں، صدقہ ہو تو ایسا ہو

سرکارِ مدینہؐ کے کردار کا کیا کہنا

قائد ہو تو ایسا ہو، آقا ہو تو ایسا ہو

زخموں سے بدن چھلنی اور تیغِ قضا سر پر

در بارگہِ ربّی، سجدہ ہو تو ایسا ہو

والّیل کہیں جس کو، والشمس کہیں جس کو

گیسو ہوں تو ایسے ہوں، چہرہ ہو تو ایسا ہو

سُنتے ہی خبر اپنے دانتوں کو اُکھاڑا ہے

جو عشقِ محمدؐ کا سودا ہو تو ایسا ہو

جیسا تھا صحابہؓ کا، جیسا تھا خلفاءؓ کا

سرکارِ دوعالمؐ سے رشتہ ہو تو ایسا ہو

سنڈے میگزین سے مزید