آپ آف لائن ہیں
جنگ ای پیپر
جمعرات 14؍ربیع الثانی 1441ھ 12؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پی ایس ایل 5: پلاٹینم کیٹیگری میں بڑے غیرملکی کھلاڑی شامل

پی ایس ایل 5: پلاٹینم کیٹیگری میں بڑے غیرملکی کھلاڑی شامل


پاکستان کرکٹ بورڈ نے پی ایس ایل فائیو کیلئے پلاٹینم کیٹیگری کے 28 غیر ملکی کھلاڑیوں کی ابتدائی فہرست جاری کر دی ہے، جنوبی افریقہ کے ڈیل اسٹین کے ساتھ ورلڈ کپ کی فاتح انگلینڈ کرکٹ ٹیم کے کھلاڑی معین علی، عادل رشید اورجیسن رائے بھی فہرست کا حصہ ہیں۔

پی سی بی اعلامیے کے مطابق کھلاڑیوں کی رجسٹریشن کا سلسلہ 21 نومبر تک جاری رہے گا، اس کے بعد مکمل فہرست کا اعلان کیا جائے گا۔

اس وقت 28 غیر ملکی کرکٹرز کی ابتدائی فہرست جاری کی گئی ہے جس میں افغانستا ن کے محمد نبی، مجیب الرحمان، راشد خان، آسٹریلیا کے ڈین کرسٹین، بین کٹنگ، کرس لین، انگلینڈ کے معین علی، ہیری گرنی، ایلکس ہیلز، کرس جارڈن، لیام پلنکٹ، عادل رشید اور جیسن رائے شامل ہیں۔

نیپال کے سندیپ لمیچانے، نیوزی لینڈ کے کولن منرو، جنوبی افریقہ کے ہاشم آملہ، جے پی ڈومینی، کولن انگرام، رائلی روسو، ڈیل اسٹین اور عمران طاہر، سری لنکا کے اینجیلو میتھیوز، تھیسارا پریرا، ویسٹ انڈیز کے کارلوس بریتھ ویٹ، ڈیوین براوو، ایون لوئیس، سنیل نرائن اور کیرون پولارڈ شامل ہیں۔

پی سی بی نے ڈالرز ایکسچینج ریٹ کے بعد کھلاڑیوں کے سیلری کیپس پر نظر ثانی کی ہے، یہ سیلری کیپس گزشتہ سیزن سے کم ہے۔

کھیلوں کی خبریں سے مزید