آپ آف لائن ہیں
جمعہ7؍صفر المظفّر 1442ھ 25؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نواز شریف سے متعلق لاہور ہائی کورٹ کا تحریری فیصلہ جاری

لاہور ہائی کورٹ نے نواز شریف کو بیرون ملک جانے کی اجازت دینے سے متعلق تحریری فیصلہ جاری کردیا ہے۔

عدالت نے اپنے فیصلے انڈیمنٹی بانڈ جمع کرانے کا حکومتی میمورنڈم معطل کردیا ہے۔

لاہور ہائیکورٹ کے4 صفحات پر مشتمل فیصلے کے مطابق شہباز شریف کی درخواست منظور کرتے ہوئے سماعت جنوری 2020 کے تیسرے ہفتے تک ملتوی کردی گئی ہے۔

نواز شریف کے سابقہ ریکارڈ سے متعلق دلائل کو فیصلے کا حصہ بناتے ہوئے کہا گیا ہے کہ انہیں علاج کیلئے بیرون ملک سفر کی اجازت دی جاسکتی ہے۔

فیصلے میں لکھا ہے کہ تمام دن سنجید گی سے غور کے باوجود فریقین کے وکلاء کی جانب سے جمع کرائے گئے مسودے پر اتفاق نہیں ہوسکا۔

نواز شریف نے اپنی واپسی کیلئے انڈرٹیکنگ جمع کرائی ہے، جب ڈاکٹر نوازشریف کی تندرستی کی تصدیق کریں گے تو وہ واپس آئیں گے۔

رجسٹرار لاہور ہائیکورٹ اپنی موجودگی میں نواز شریف سے بیان حلفی پر دستخط کرائیں۔

قومی خبریں سے مزید