آپ آف لائن ہیں
ہفتہ24؍ذی الحج 1441ھ15؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعظم کی موجودہ اور آنے والے چیف جسٹس سے اپیل

وزیراعظم کی موجودہ اور آنے والے چیف جسٹس سے اپیل


وزیر اعظم عمران خان نے ہزارہ موٹر وے کی افتتاحی تقریب کے موقع پر خطاب کرتے ہوئے کہا کہ میں موجودہ چیف جسٹس کھوسہ اور آنے والے چیف جسٹس گلزار کی بہت عزت کرتا ہوں، میں ان دونوں سے کہنا چاہتا ہوں کہ انصاف دے کر ہمارے ملک کو آزاد کریں۔

انہوں نے کہا کہ پاکستان میں تاثر ہے کہ طاقتور کے لیے ایک قانون ہے اور کمزور کے لیے دوسرا۔ طاقتور ٹیلی فون کرکے فیصلے لکھواتے رہے رہیں، ججز کو بریف کیس دے کر چیف جسٹس کو فارغ کرادیا گیا۔

وزیراعظم نے کہا کہ جو طاقتور ہے اُسے ہمارا قانون کا نظام ہاتھ نہیں لگا سکتا، میں اپنی قوم کی طر ف سے دونوں عظیم ججز سے کہتا ہوں کہ اس تاثر کو دور کریں۔

انہوں نے دونوں ججز صاحبان کو مخاطب کرتے ہوئے کہا کہ ہم آپ کی پوری مدد کرنے کے لیے تیار ہیں، لیکن ہماری عدلیہ کو عوام میں اپنا اعتماد بحال کرنا ہے۔

قومی خبریں سے مزید