بھارت،دلت نوجوان سے شادی کی خواہش پر ماں نے بیٹی کو زندہ جلا دیا

22 نومبر ، 2019

نئی دہلی (جنگ نیوز)بھارت میں ایک اور انسانیت سوز واقعہ سامنے آیا ہے اور ایک خاتون نے اپنی بیٹی کو ʼنچلی ذات کے لڑکے سے شادی کرنے کی خواہش پر زندہ جلا دیا۔

رپورٹ میں بتایا گیا کہ نہم جماعت کی طالبہ اپنے ہی علاقے میں رہنے والے 22سالہ لڑکے راج کمار سے شادی کرنا چاہتی تھی اور ان کا آنے والے پیر کو شادی کا منصوبہ تھا کیونکہ اس سے ایک روز قبل اتوار کو لڑکی کی عمر 18 سال ہوجانی تھی۔

بھارتی میڈیا کے مطابق بھارتی ریاست تامل ناڈو میں نگاپتینام علاقے کے گاؤں وازہمنگلم کے مضافات میں ایک خاتون نے اپنی 17 سالہ بیٹی کو ہندوؤں کی نچلی ذات ʼدلت سے تعلق رکھنے والے لڑکے سے شادی کرنے سے روکنے کے لیے زندہ جلا دیا۔

ساتھ ہی خاتون نے خود کو بھی آگ لگالی تاہم وہ زندہ بچ گئیں اور اس کا 80 فیصد جسم جھلس گیا لیکن لڑکی زخموں کی تاب نہ لاتے ہوئے ہسپتال میں دم توڑ گئی۔

تازہ ترین