فرمان الہی
نماز کے اوقات
اسلام آ باد (نمائندہ جنگ) معتبر ذرائع سے معلوم ہوا ہے کہ چیف الیکشن کمشنرکے لیے شہباز شریف کی جانب سے بھیجےگئے ناموں پر وزیراعظم عمران خان کو تحفظات ہیں اور وہ اپنے رفقا ء سے صلاح مشورے کے بعد اپنی رائے قائم کریں گے۔
ذرائع کے مطا بق وزیراعظم چیف الیکشن کمشنر کا عہدہ غیر متنازعہ شخصیت کو دینے پر تیار ہیں ، وزیر اعظم کو یہ اعتراض ہے کہ ناصر محمود کھوسہ سابق وزیراعظم نواز شریف کے پرنسپل سیکرٹری رہے ہیں۔
ناصر محمود کھوسہ شہباز شریف کے دور حکومت میں چیف سیکرٹری پنجاب تعینات رہے ہیں انہیں شریف خاندان کے قریب سمجھا جاتا ہے۔ جلیل عباس جیلانی کے بارے میں یہ تحفظات سامنے آ ئے ہیں کہ وہ سابق وزیراعظم یوسف رضا گیلانی کے قریبی عزیز ہیں ۔
ذ رائع کے مطابق وزیر اعظم ان ناموں پر اپنے رفقاء سے صلاح مشورہ کے بعد اپنی رائے سے آ گاہ کریں گے۔
