آپ آف لائن ہیں
جنگ ای پیپر
اتوار17؍ ربیع الثانی 1441ھ 15؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

امریکہ میں برف کا طوفان، نظام زندگی منجمد، سیکڑوں پروازیں منسوخ

واشنگٹن(آئی این پی) امریکہ کی شمال وسطی اور شمال مشرقی ریاستوں میں برف کے طوفان کے باعث نظام زندگی منجمد ہو کر رہ گئی ہے۔غیرملکی میڈیا کے مطابق ریاست اوریگون میں 5 کروڑ سے زائد افراد ویدر الرٹ پر ہیں جب کہ نیویارک میں اسکول بند ہو چکے ہیں اور ڈکوٹا سے مشی گن تک مختلف حصوں میں 12 انچ تک برف پڑ چکی ہے۔امریکی میڈیا نے بتایا کہ برف باری کے باعث ملک بھر میں 800 پروازیں منسوخ ہو چکی ہیں جب کہ ساڑھے 6 ہزار پروازیں تاخیر کا شکار بھی ہوگئی ہیں۔برفانی طوفان کی وجہ سے ٹیکساس میں چھوٹا طیارہ ائیر پورٹ پر گر کر تباہ ہونے سے 3 افراد ہلاک ہو گئے جب کہ نیویارک کے شہر بفالو میں برف کے باعث طیارہ رن وے پر پھسل گیا۔ریاست میری لینڈ میں دھندکے باعث حد نگاہ کم ہونے سے ہائی وے پر 25گاڑیاں آپس میں ٹکرا گئیں۔موسم کی صورتحال کو مدِنظر رکھتے ہوئے شکاگو کی نیشنل ویدر سروس نے ٹوئٹ کے ذریعے شہریوں کو احتیاط برتنے کی ہدایت کرتے ہوئے دھند میں کم بیم کی ہیڈلائٹس استعمال کرنے کے ساتھ اپنی آگے والی گاڑی سے فاصلہ رکھنے کی ہدایات بھی جاری کر دیں۔

یورپ سے سے مزید