کراچی (اسٹاف رپورٹر) سکھن تھانے کی حدود بھینس کالونی روڈ نمبر 10 محمود گوٹھ سےگزشتہ دنوں لاپتا ہو نے والی 8 سالہ بچی کی لاش گھر کے نزدیک وا قع بھینسوں کے باڑے کے ٹینک سے مل گئی ، پولیس نے لاش تحویل میں لے کر پوسٹ مارٹم کےلئے جناح اسپتا ل منتقل کیا ، بچی کےجسم کے ساتھ بھاری پتھر باندھ کر بوری میں ڈال کر ٹینک میں پھینک دیا گیا تھا ، بچی کے والدین کے مطابق لائبہ 7 دسمبر کوشام4 بجے دودھ لینے گئی تھی ، لیکن واپس نہیں آئی، نمازعشاء کے وقت ہمیں تشویش ہوئی اور بچی کی تلاش میں نکلے ، بچی تونہ ملی لیکن بچی جس برتن میں دودھ لینے گئی تھی وہ باڑے کے اندر کمرے سے مل گیا، پولیس کے مطابق واقعہ کا مقدمہ نمبر 526/19 درج کرکے جس باڑے سے دودھ کا برتن برآمد ہواہے وہاں سے 8 افراد کو گرفتار کرکے تفتیش کا آغاز کردیا گیا ہے۔