آپ آف لائن ہیں
جنگ ای پیپر
بدھ3؍ جمادی الثانی 1441ھ 29؍ جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

نک جونس کے ’سلام پاکستان‘ کہنے پر پریانکا کی ٹرولنگ

ہالی ووڈ کے نامور گلوکار و اداکار اور پریانکا چوپڑا کے شوہر نک جونس نے نہایت منفرد انداز میں پاکستانیوں کے لیے پیغام شیئر کیا جس پر اُن کی اہلیہ کو ٹرولنگ کا سامنا کرنا پڑا۔

فلم میں اہم کردار ادا کرنے والے ہالی ووڈ اداکار نک جونس نے پاکستان میں اپنی فلم کی تشہیر کے لیے نہایت منفرد طریقہ اپناتے ہوئے پاکستانیوں کے نام ایک ویڈیو شیئر کی ۔

ویڈیو میں نک جونس نے پاکستانیوں کو مخاطب کرتے ہوئے کہا ’سلام پاکستان ‘ فلم ’جومانجی‘ پاکستان میں 13 دسمبر کو ریلیز کی جارہی ہے۔

نِک کا ’سلام پاکستان‘ پورے سوشل میڈیا پر وائرل ہوچکا ہے اور سوشل میڈیا صارفین اپنے اپنے انداز میں پریانکا کو ٹرول کررہے ہیں۔

یاد رہے کہ فروری 2019 میں پلوامہ حملے کے وقت پریانکا نے اقوام متحدہ کی خیرسگالی سفیر ہونے کے باوجود متنازع ٹوئٹ کرتے ہوئے بھارتی فوج کی حمایت کی تھی اور ٹویٹ میں ’جے ہند‘ لکھا تھا۔

یہ بھی یاد رہے کہ پریانکا چوپڑا کو لاس اینجلس میں منعقدہ ایک بیوٹی ایونٹ میں بیوٹی کوئن پینل ٹاک کے دوران پاکستانی فین نے انہیں پاک بھارت کشیدگی کے دوران جنگ کی حمایت کرنے پر مبنی ٹوئٹس پر آڑے ہاتھوں لیاتھا جس پر پریانکا نے انہیں جواب دیتے ہوئے کہا تھا کہ ’آپ اپنی بھڑاس نکال لیں‘

رحمن نامی ایک ٹوئٹر صارف نے نِک جونس کی ’سلام پاکستان‘ کی ویڈیو شیئر کی۔

اس ٹوئٹ پر رد عمل دیتے ہوئے ایک صارف نے لکھا کہ نِک جونس کو گھر میں داخلے کی اجازت نہیں ہوگی۔

ایک صارف نے لکھا کہ عجیب فیملی ہے۔ ایک ہم پر سلامتی بھیج رہا ہے تو دوسری نیوکلیئر وار کی حمایت کرتی ہے۔

ایک صارف نے ورلڈ کپ کے دوران کی مشہور میم شیئر کرتے ہوئے لکھا کہ پریانکا گھر کے بیرونی دروازے پر نِک کا انتظار کرتے ہوئے۔

ایک صارف نے لکھا کہ اس ویڈیو پیغام کے بعد پریانکا اپنے شوہر سے ایک ماہ تک بات نہیں کریں گی۔

ایک صارف نے لکھا کہ پریانکا آج سرجیکل اسٹرائیک کی پلاننگ کررہی ہوں گی۔

کچھ صارفین کو اس ویڈیو پر پریانکا کے رد عمل کا بہت شدت سے انتظار ہے۔

مشہور و معروف سوشل میڈیا اکاؤنٹس بھی پریانکا کو ٹرول کرنے سے باز نہ آئے اور سیدہ طوبیٰ عامر نے اپنے ٹوئٹ میں لکھا کہ نک اپنی بھڑاس نکال چکا ہے۔

کچھ صارفین نے  پریانکا کی بات ’میری چوکھٹ پر واپس مت آنا‘ پُرمزاح انداز میں شیئر کی۔

ایک صارف نے نِک جونس کو پورا سلام کرنے کی ہدایت کر ڈالی۔

نجم نامی ٹوئٹر صارف نِک کی ویڈیو پر زبردست کیپشن دیا۔

انٹرٹینمنٹ سے مزید