آپ آف لائن ہیں
جنگ ای پیپر
منگل30؍ جمادی الثانی 1441ھ 25؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

مہنگائی نے عوام کی زندگی اجیرن کردی ہے، امیر العظیم

لاہور (نیوزرپورٹر)سیکرٹری جنرل جماعت اسلامی پاکستان امیر العظیم نے کہاہے کہ حکومت نے پندرہ ماہ میں ثابت کردیاہے کہ وہ ملکی تاریخ کی نااہل ترین حکومت ہے ۔ ملک پر مسلط ٹولہ عوام کے بنیادی مسائل حل کرنے کی بجائے ان میں اضافہ کر رہاہے ۔ یہ حکمران غریب کے منہ سے آخری نوالہ بھی چھین لینے پر تلے ہوئے ہیں ۔ سابقہ حکمران پارٹیوں نے تین تین باریوں میں جتنا لوٹا تھا یہ پہلی بار ی میں ہی ان کا ریکارڈ توڑنا چاہتے ہیں ۔ جماعت اسلامی بڑھتی ہوئی مہنگائی ، بے روزگاری اور بدامنی پر خاموش نہیں رہ سکتی ۔ سابقہ حکمران پارٹیوں کو عوامی مسائل سے کوئی سروکار نہیں ، وہ ایک بار پھر عوام کو بے وقوف بنانے کی کوشش کر رہی ہیں ۔ ان خیالات کا اظہار انہوں نے منصورہ میں مرکزی تربیت گاہ کے شرکاءسے خطاب کرتے ہوئے کیا ۔امیر العظیم نے کہاکہ مہنگائی نے عوام کی زندگی اجیرن کردی ہے ۔ ہر طرف مایوسی اور پریشانی کی گہری دھند ہے ۔ مزدور کو سارا دن خون پسینہ ایک کرنے کے باوجود پیٹ بھر کر کھانا نصیب نہیں ہو رہا۔ کسان اور مزدور پس کر رہ گئے ہیں ۔ مہنگائی نے واقعتاً عوام کی چیخیں نکال دی ہیں مگر بے حس حکمرانوں پر عوام کی چیخ و پکار کا کوئی اثر نہیں ہو رہاہے ۔

لاہور سے مزید