آئی جی سندھ کا تقرر اتحادیوں کے اعتراض پر موخر کیا، فردوس اعوان کی تصدیق

وزیراعظم عمران خان کی معاون خصوصی برائے اطلاعات فردوس عاشق اعوان نے تصدیق کی ہے کہ آئی جی سندھ کا تقرر اتحادیوں کے اعتراض پر موخر کیا گیا ہے۔

کابینہ اجلاس کے بعد میڈیا بریفنگ میں فردوس عاشق اعوان نے بتایا کہ وزیراعظم عمران خان اور وزیراعلیٰ سید مراد علی شاہ کی ملاقات میں آئی جی سندھ کے لیے کچھ ناموں پر بات ہوئی تھی۔

وفاقی کابینہ نے آئی جی سندھ کے تبادلے کی منظوری مؤخر کردی

وفاقی کابینہ نے آئی جی سندھ پولیس کے تبادلے کی...

انہوں نے کہا کہ وزیراعظم اور وزیراعلیٰ سندھ کی ملاقات میں جن ناموں پر بات ہوئی تھی وہ نام جب کابینہ کے سامنےآئے تو سندھ اور کراچی کے اتحادیوں نے شدید تحفظات کا اظہار کیا۔

وزیراعظم کی معاون خصوصی نے مزید کہا کہ آئی جی سندھ کا تقرر اتحادیوں کے اعتراض پر موخر کیا گیا ہے۔

آئی جی سے متعلق خدشات درست ثابت ہو رہے ہیں، سعید غنی

وزیراطلاعات سندھ سعید غنی نے کہا ہے کہ ہر گزرتے دن...

اس سے قبل وفاقی کابینہ نے آئی جی سندھ پولیس کے تبادلے کی منظوری مؤخر کرتے ہوئے معاملہ گورنر سندھ عمران اسماعیل اور وزیراعلیٰ مراد علی شاہ کے سپرد کردیا۔

کابینہ اجلاس میں وفاق میں حکومت کی اتحادی گرینڈ ڈیموکریٹک الائنس (جی ڈی اے) نے سندھ حکومت کے بھیجے گئے پانچوں ناموں پر اعتراض کیاتھا۔

آئی جی سندھ نے اپنے تبادلے کی تردید کر دی

آئی جی سندھ سید کلیم امام نے اپنے تبادلے کی...

رواں ماہ کے آغاز میں سندھ کابینہ نے آئی جی سندھ پولیس کلیم امام کو عہدے سے ہٹا کر ان کی خدمات وفاق کے سپرد کرنے کی منظوری دی تھی، جس پر پی ٹی آئی سندھ کے رہنما فردوس شمیم نقوی نے عدالت جانے کا اعلان کیا تھا۔

صوبائی حکومت کی جانب سے وفاق کو غلام قادر تھیبو، مشتاق مہر، کامران فضل، انعام غنی اور ثناءاللّٰہ عباسی کے نام نئے آئی جی کے لیے بھیجے گئے تھے تاہم وفاقی حکومت نے آئی جی سندھ کا تبادلہ وفاقی کابینہ کی منظوری سے مشروط کیا تھا۔