پابندی کے باوجود راولپنڈی میں بسنت، 40 سے زائد افراد زخمی

پنجاب حکومت کی پابندی کے باوجود راولپنڈی میں بسنت منائی گئی جس کے باعث مختلف حادثات میں 40 سے زائد افراد زخمی ہوگئے۔

پنجاب پولیس کی جانب سے پتنگ بازی روکنے کے لیے بھرپور مہم چلائی گئی تھی مگر اس کے باوجود منچلے جمعرات اور جمعہ کی درمیانی شب سے پتنگ بازی اور ہوائی فائرنگ کرتے رہے۔

فیصل آباد میں نوجوانوں نے بسنت پر پابندی کو ہوا میں اڑا دیا

فیصل آباد میں بسنت پر پابندی کے باوجود آسمان...

راولپنڈی کے تھانوں بنی، گنجمنڈی، ریس کورس، سٹی اور رتہ امرال کی حدود میں پتنگ بازی کے دوران فائرنگ اور چھتیں گرنے جیسے واقعات میں ایک خاتون اور دو سالہ بچے سمیت 40 سے زائد افراد زخمی ہوئے۔

سی پی او راولپنڈی احسن یونس کے نوٹس لینے پر پولیس حرکت میں آئی جس کے بعد کارروائی کے نتیجے میں تین سو سے زائد پتنگ بازوں کو گرفتار کیا گیا جب کہ سیکڑوں پتنگیں دھاتی ڈوریں اور اسلحہ برآمد کرکے مقدمات درج کر لیے گئے۔