فرمان الہی
نماز کے اوقات
مسلم لیگ ن کے رہنما اور قائد حزب اختلاف شہباز شریف کا کہنا ہے کہ بہار کی آمد پر ہولی کا تہوار خوشیوں کا باعث ہے۔
شہباز شریف نے ہندوؤں کے مذہبی تہوار ہولی کے موقع پر اپنے پیغام میں ہندو برادری کو مبارکباد دیتے ہوئے کہا ہے کہ ر نگوں اور محبت کے اس دن کا مقصد نفرتوں اور برائی کا خاتمہ ہے، نفرت، تعصب، ظلم کرنے والوں کے لیے آج پیغام ہے کہ وہ اپنا کردار اور سوچ بدلیں۔
شہباز شریف نے کہا کہ ہندو برادری کے لیے خیرسگالی کا پیغام دیتے ہیں، قیام پاکستان میں غیر مسلموں کا ناقابل فراموش کردار ہے۔
انہوں نے کہا ہے کہ غیر مسلم پاکستانی ریاست کے مساوی شہری ہیں، غیرمسلم پاکستانی ملکی تعمیر و ترقی اور دفاع کے لیے قابل فخرک کردار ادا کر رہےہیں۔
شہباز شریف کا مزید کہنا تھاکہ دعا ہے کہ ہر پاکستانی کے آنگن میں خوشیوں، رنگوں کی بہار اترے، دعا ہے کہ ہر پاکستان امن، ترقی اور خوشحالی کی منازل طے کرے۔
