فرمان الہی
نماز کے اوقات
کراچی (مانیٹرنگ ڈیسک)پاکستان کے معروف اداکار و میزبان فخر عالم نے حیرانی کا اظہار کرتے ہوئے کہا ہے کہ ایران بارڈر اب تک بند نہیں کیا گیا جس کا پاکستان کو شدید نقصان اٹھانا پڑے گا۔سماجی رابطے کی ویب سائٹ ٹوئٹر پر اپنے ایک ٹوئٹ میں انہوں نے لکھا کہ ’یہ معلوم ہوتے ہوئے کہ ایران میں کورونا بری طرح پھیل چکا ہے اس کے باوجود بارڈر پر آمدورفت جاری رکھنے پر میں حیران ہوں۔انہوں نے لکھا کہ بروقت فیصلے نہ لینا اور اپنی ذمہ داری پوری نہ کرنے جیسی نااہلیوں کی وجہ سے پاکستان میں حالات بدترین ہوسکتے ہیں۔واضح رہے کہ سندھ میں کورونا وائرس کے مریضوں کی تعداد میں مزید 5 اور پنجاب میں 4 کا اضافہ ہوا ہے، جس کے بعد سندھ میں متاثرین کی تعداد 155، پنجاب میں6جبکہ ملک بھر میں کورونا کے کل مریضوں کی تعداد 193 ہو گئی ہے۔
