آپ آف لائن ہیں
منگل6؍شعبان المعظم 1441ھ 31؍مارچ 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سگریٹ نوشی کرنے والوں کوکورونا سے کتناخطرہ ہے؟

چین کے شہر ووہان سے شروع ہونے والا وائرس اب ایک وبائی مرض بن گیا ہے اور پوری دُنیا اِس وائرس کی لپیٹ میں آگئی ہے، اِس وائرس کی وجہ سے ہر ایک شخص پریشان اور خوفز دہ نظر آرہا ہے۔

اِسی وائرس کے پیش نظر بہت سے سوالات لوگوں کے ذہن میں آرہے ہیں اِن ہی سوالات میں ایک سوال یہ بھی ہے کہ کیا کورونا وائرس سگریٹ نوشی کرنے والے افراد کے لیے زیادہ خطر ناک ہے؟

ماہرین نے اِس سوال کا جواب دیتے ہوئے کہا کہ یہ بالکل درست ہے کہ کورونا وائرس سگریٹ نوشی کرنے والوں کے لیے زیادہ خطرناک ہے کیونکہ سگریٹ نوشی ایک ایسی چیز ہے جو انسان کے پھیپھڑوں پر اثر کرتی ہے اور کورونا بھی ایک ایسا ہی وائرس ہے جو سیدھا پھیپھڑوں پر اثر انداز ہوتا ہے۔

ماہرین نے بتایا کہ سگریٹ نوشی کرنے والوں کے پھیپھڑے پہلے ہی کمزور ہوتے ہیں اور ایسے میں اگر اُن کو کورونا کا مرض لاحق ہوجاتا ہے تو اُن کے لیے اِس وائرس سے لڑنا بہت مشکل ہوسکتا ہے۔

اُنہوں نے سگریٹ نوشی کرنے والوں کو مشورہ دیتے ہوئے کہا کہ جو لوگ سگریٹ نوشی کرتے ہیں اُن کے لیے یہ بہترین موقع ہے کہ وہ اِس جان لیوا چیز کو چھوڑ دیں اور اگر وہ چھوڑ نہیں سکتے ہیں تو اُس وقت تک سگریٹ نوشی سے دور رہیں جب تک یہ وبائی مرض دُنیا سے ختم نہیں ہو جاتا۔

ماہرین نے کہا کہ کچھ لوگ یہ کہتے ہیں کہ ہم صرف دن میں ایک سگریٹ پیتے ہیں یا پھر دو دن کے بعد سگریٹ پیتے ہیں تو ہمارے پھیپھڑے زیادہ متاثر نہیں ہوں گے۔

اُنہوں نے کہا کہ یہ اُن کی غلط فہمی ہے کہ کم سگریٹ پینے سے اُن کے پھیپھڑوں کو نقصان نہیں ہوگا، آپ چاہے کم سگریٹ نوشی کریں یا زیادہ ، اِس سے آپ کے پھیپھڑے ضرور متاثر ہوں گے۔

واضح رہے کہ کورونا وائرس اب تک دنیا کے 195 ملکوں تک پھیل چکا ہے، اس مہلک وائرس نے دنیا بھر میں اب تک 16 ہزار سے زائد زندگیاں نگل لی ہیں، دنیا بھر میں تین لاکھ 75 ہزار افراد کورونا وائرس سے متاثر ہوئے ہیں جبکہ ایک لاکھ سے زیادہ صحت یاب ہوچکے ہیں۔

صحت سے مزید