آپ آف لائن ہیں
جمعہ6؍شوال المکرم 1441ھ 29؍ مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ویکسین تیاری میں ایک سال لگے گا، کورونا کیخلاف کوئی بھی ملک تنہا جنگ نہیں کرسکتا، ڈبلیو ایچ او

جنیوا (اے پی پی) عالمی ادارہ صحت کے سربراہ ڈائریکٹر جنرل ٹیدروس نے کہا ہے کہ کورونا وائرس کیخلاف کوئی بھی ملک تنہا جنگ نہیں کرسکتا ،نئے کورونا وائرس کی ویکسین تیار کرنے میں کم از کم 12 ماہ لگ سکتے ہیں۔

اس مدت کے اندر مریضوں کے علاج معالجہ اور ان کی زندگیوں کو بچانے کیلئے ادویات کی ہنگامی ضرورت ہونے کو بھی ہم قبول کرتے ہیں۔

عالمی ادارہ صحت کے ڈائریکٹر جنرل نے جنیوا میں ویڈیو کانفرس کے ذریعے پریس کانفرس میں نامہ نگاروں کو بتایا کہ اب دنیا بھر میں دنیا بھر میں لاکھوں انسانوں کے کووڈ۔19 سے متاثر جبکہ ہزاروں ہلاک ہوچکے ہیں،

ڈائریکڑ جنرل کا کہنا تھا کہ یہ ایک عالمی المیہ ہے، ا نہوں نے مذکورہ تعداد کو المناک قرار دیا اور کہاکہ ہمیں یہ بھی یاد رکھنا ہو گا کہ دنیا بھر میں لاکھوں کی تعداد میں انسان اس مرض سے نجات پانے میں بھی کامیاب رہے ہیں۔

انہوں نے کہا کہ شعبہ طب سے منسلک افراد کو لازمی سازو سامان کی فراہمی ایک سنگین مسئلہ ہے جسے ہم سب کو باہمی اتفاق سے حل کرنا ہو گا،ہم نے 74 ممالک کو تقریباً دو ملین کے قریب حفاظتی سازو سامان بھیجا ہے۔

مزید 60ممالک کو ان کی روانگی کی تیاریاں جاری ہیں، ویکسین کی تیاری میں اب بھی 12 سے 18 ماہ لگیں گے لہٰذا عالمی ادارہ صحت انفرادی لوگوں اور ممالک پر زور دیتا ہے کہ وہ وائرس کے خلاف غیر مصدقہ تھراپیز آزمانے سے گریز کریں۔

اہم خبریں سے مزید