کورونا، ذاتی حفاظتی سامان کیلئے چندہ جمع کرلیا، ڈاکٹر رحیم خان

ینگ ڈاکٹرز ایسوسی ایشن بلوچستان کے ترجمان ڈاکٹر رحیم خان نے کہا ہے کہ ینگ ڈاکٹرز اور سینئر ڈاکٹرز نے اپنی مدد آپ کے تحت 25 لاکھ روپے تک چندہ جمع کرلیا ہے اور کورونا مریضوں کے حوالے سے فرائض دینے والے ڈاکٹرز کیلئے پرسنل پروٹیکٹیو ایکویپمنٹس (PPEs) خریدلی گئیں۔

ایک بیان میں ترجمان وائی ڈی اے نے کہا کہ ڈاکٹرز اور طبی عملہ مخدوش صورتحال میں اپنی جانوں کی پرواہ کئے بغیر اسپتالوں میں سہولیات کے فقدان کے باوجود اپنے فرائض منصبی میں مصروف ہیں جبکہ ہمارے 11ڈاکٹر کورونا وائرس سے متاثر ہوچکے ہیں۔

انہوں نے کہا کہ 25 لاکھ روپے میں سے 15 لاکھ روپے تک کی پرسنل پروٹیکٹیو ایکویپمنٹس (PPEs) کی خریداری کرلی گئی ہے جو بہت جلد پہنچ جائیں گی۔