آپ آف لائن ہیں
بدھ11؍ شوال المکرم 1441ھ3؍جون 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کورونا کو منفی، محبتوں کو مثبت کیجیے، نعمان اعجاز


معروف اداکار نعمان اعجاز نے کورونا وائرس کے حوالے سے مثبت پیغام جاری کرتے ہوئے کہا ہے کہ  کورونا کومنفی کیجیے اور محبتوں کو مثبت کیجیے۔

گزشتہ روز پاکستان شوبز انڈسٹری سے تعلق رکھنے والے معروف اداکار نعمان اعجاز نے تصویر اور ویڈیو شیئرنگ ایپ انسٹاگرام پر اپنی ایک ویڈیو شیئر کی جس میں نعمان اعجاز اپنے گھر کی چھت پر موجود ہیں۔


نعمان اعجاز نے اپنی ویڈیو میں کہا کہ ’میں ایک عرصے کے بعد اپنے گھر کی چھت پر آیا ہوں اور میرا یقین کیجیے کہ میں یہاں بہت اچھا محسوس کر رہا ہوں۔‘

اداکار نے کہا کہ ’آسمان نیلا اور صاف ہے، دُور دُور تک سب کُچھ صاف نظر آرہا ہے کیونکہ فضا میں آلودگی، گرد غُبار، دھواں کچھ بھی نہیں ہے اور میں نے اتنا نیلا آسمان بھی بڑے عرصے کے بعد دیکھا ہے۔‘

اُنہوں نے کہا کہ ’اِس ویڈیو کے ذریعے میں ایک بات کہنا چاہوں گا کہ ہماری زندگی میں بہت ساری ایسی چیزیں ہیں جن کے لیے ہم اللّہ کا شُکر ادا نہیں کرتے جیسے گھر، فیملی، کھانا، دوست، عزیز و اقارب وغیرہ۔‘

نعمان اعجاز نے کہا کہ’یہ سب ہم پر اللّہ کی رحمتیں ہیں اور اگر ہم شُکر ادا کرنے پر آئیں تو ہم ہر لمحے کے بعد اللّہ کا شُکر ادا کرتے ہیں اور ہمیں اُس کا شُکر ادا کرنا بھی چاہیے۔

اداکار نے کہا کہ ’اللّہ تعالیٰ کا کروڑوں مرتبہ شُکریہ ادا کرتا ہوں کہ اُس نے ہمیں اِن سب نعمتوں سے نواز۔‘

اُنہوں نے کہا کہ’اللّہ کا شکرادا کیا کریں کہ ہم روزانہ رات کو مرتے ہیں اور روزانہ صبح زندہ اُٹھتے ہیں۔‘

نعمان اعجاز نے کہا کہ ’آپ سب اپنا خیال رکھیں۔‘

اداکار نے مزید کہا کہ ’کورونا کو منفی کیجیے اور محبتوں کو مثبت کیجیے، احساس کو مثبت کیجیے اور ایک دوسرے کے لیے مثبت ہوجائیے۔‘

اُنہوں نے اپنی اِس پوسٹ کو ’شُکرالحمداللّہ‘ کا کیپشن دیا۔

انٹرٹینمنٹ سے مزید