فرمان الہی
نماز کے اوقات
معروف گلوکار علی ظفر نے قرنطینہ میں رہتے ہوئے ذہنی دباؤ کا شکار افراد کو بہترین مشورہ دے دیا جس کی ویڈیو سوشل میڈیا پر وائرل ہوگئی۔
گزشتہ روز پاکستان کے نامور گلوکار علی ظفر نے تصویر اور ویڈیو شیئرنگ ایپ انسٹاگرام پر اپنی ایک ویڈیو شیئر کی جس میں علی ظفر موسیقی کی دُنیا کے سات مشہور سُر "سا - رے - گا - ما - پا - دھا - نی - سا" گانا سیکھا رہے ہیں۔
علی ظفر نے اپنی ویڈیو میں کہا کہ ’دوستو ایک چیز بہت ہی آسان ہے اور آپ لوگوں کو روزانہ اِس کو کرنے کی کوشش کرنی چاہیے۔‘
یہ کہنے کے بعد گلوکار نے اپنے مداحوں کو موسیقی کی دُنیا کےسات مشہور سُر "سا - رے - گا - ما - پا - دھا - نی - سا" گاکر دِکھائے۔
اُنہوں نے کہا کہ ’بہت ہی آسان ہے روزانہ صبح دانت برش کرنے کے بعد آپ لوگ یہ کریں۔‘
علی ظفر نے اپنی اِس پوسٹ کے کیپشن میں لکھا کہ ’یہ ذہنی دباؤ کو ختم کرنے کا ایک آسان طریقہ ہے۔‘
گلوکار نے لکھا کہ ’روزانہ صبح اُٹھ کر دانت برش کرنے کے بعد آپ یہ کریں، یہ بس ایک ہی سانس میں گایا جاتا ہے۔‘
اُنہوں نے لکھا کہ ’جب آپ یہ سُر گاکر اپنی ویڈیو سوشل میڈیا پر اپ لوڈ کریں تو رہنمائی کے لیے اپنے کسی بھی پسندیدہ گلوکار کو پوسٹ میں ٹیگ بھی کرسکتے ہیں۔‘
علی ظفر نے اپنی اِس پوسٹ کے کیپشن میں دو ہیش ٹیگ بھی استعمال کیے QuarantineLife اور Quarantine۔
