کورونا وائرس انسان کا بنایا ہوا نہیں ہے، امریکی ایجنسیاں

01 مئی ، 2020

امریکی انٹیلیجنس ایجنسیوں کا کہنا ہے کہ کورونا وائرس نہ تو کسی انسان کا بنایا ہوا ہے اور نہ ہی وائرس میں کوئی جینیاتی تبدیلی کی گئی ہے۔

ان کا خیال ہے کہ کورونا وائرس ووہان کی گوشت کی مارکیٹ سے پھیلا، یا پھر ووہان کی دو سرکاری لیبارٹری سے پھیلا، جہاں اس پر سویلین ریسرچ کر رہے تھے۔

دوسری جانب امریکی صدر ڈونلڈ ٹرمپ اور ان کے حامیوں کا کہنا ہے کہ کورونا وائرس چین کے سائنسدانوں نے سرکاری لیبارٹری میں بنایا جبکہ ڈائریکٹر آف نیشنل انٹیلیجنس کے بیان میں اس تاثر کی نفی کی گئی ہے کہ کورونا کسی لیبارٹری میں بنایا گیا۔

ادھر عالمی ادارہ صحت نے 21 اپریل کو کہا تھا کہ تمام دستیاب شواہد سے پتہ چلتا ہے کہ کورونا وائرس گزشتہ سال کے آخر میں چین میں جانوروں میں پیدا ہوا تھا۔

تازہ ترین